LDK: Bislimi është ushtrues detyre, s’ka mandat për të marrë vendime në procesin e dialogut
Lidhja Demokratike e Kosovës ka thënë se Besnik Bislimi nuk ka legjitimitet për të marrë pjesë si krenegociator në bisedimet me Serbinë.
Në një reagim të martën, LDK-ja ka shprehur se Bislimi “nuk gëzon asnjë mandat legjitim për të përfaqësuar Republikën e Kosovës në dialogun me Serbinë”.
Në reagimin e LDK-së thuhet se, dialogu duhet të vazhdojë vetëm me institucione të reja.
“Mandati i ish-qeverisë ku z. Bislimi ka qenë i emëruar kryenegociator nga ish-kryeministri Kurti tanimë ka përfunduar me certifikimin e rezultateve zgjedhore të 9 shkurtit. Andaj, z. Bislimi është vetëm ushtrues detyre, pa legjitimitet demokratik dhe pa miratim parlamentar për të marrë vendime në procesin e dialogut”, thuhet në reagim.
Tutje, LDK-ja shpreh se çdo marrëveshje apo angazhim i ndërmarrë në këtë fazë të qeverisë në detyrë nuk mund të prodhojë obligime për Kosovën.
