Qeveria e Kosovës ka propozuar sot lehtësimin e masave antiCOVID. Lajmin për rtv21.tv e ka bërë të ditur zëdhënësja e Qeverisë, Antigona Baxhaku-Idrizi.
Ajo ka thënë se “Është propozuar heqja e orës policore në zonat e kuqe, nuk do të ketë kufizim të lëvizjes”
Po ashtu në masat e reja parashihet edhe që studentët të rikthehen në sallat e Fakulteteve.
“Studentët po ashtu do të mbajnë ligjerata në objektet e fakulteteve, pra do të hiqet opsioni online.”, ka thënë ajo.
Ndërsa sipas këtyre masave siç tha zëdhënësja e Qeverisë, Antigona Baxhaku-Idrizi, operatorët ekonomik do të lejohen të punojnë deri në ora 22:00.
Tutje, Baxhaku-Idrizi ka bërë të ditur se masat e reja do të publikohen rreth orës 15:00./21Media
