(Lajm i përditësuar)
Shqipëri – Serbi, ndeshja mbyllet pa gola
Shqipëria ka humbur penallti dhe disa raste të tjera të arta për të marrë vetëm një pikë nga ndeshja me Serbinë. Ndeshja Shqipëri – Serbi u zhvillua të shtunën mbrëma në “Air Albania” dhe përfundoi pa gola. I takoi kualifikimeve për Botërorin 2026.
Ashtu si pritej, atmosfera gjatë gjithë ditës ishte e zjarrtë në Tiranë.
Mirlind Daku dhe Nedim Bajrami në lojë
Përzgjedhësi Sylvinho ka bërë ndryshim të dyfishtë në minutën e 63-të.
Në lojë kanë hyrë Mirlind Daku dhe Nedim Bajrami.
Daku është inkuadruar në vend të Rey Manajt që humbi penalltinë në fundin e pjesës së parë.
Ndërkohë, Bajrami e ka zëvendësuar Arbër Hoxhën.
Kërkuan të largojnë simbolet e UÇK, policia përplaset me tifozët në “Air Albania”
Vijon të jetë e tensionuar situata në tribunat e “Air Albania” ndërsa është pushimi i ndeshjes mes Shqipërisë dhe Serbisë.
Ashtu si në fillim të pjesës së parë ku stuartët hioqën simbolet e UÇK-së, ka ndodhur sërish e njëjta situatë edhe në pushim të ndeshjes, raporotn vizionplus
Forcat e policisë kanë rrethaur tribunat dhe po kërkojnë të heqin simbolet e UÇK-së.
“Shqiponjat në Bronx” – Atmosferë festive me simbole kombëtare
Kjo ndeshje ka një rëndësi të veçantë për shqiptarët, duke qenë një mundësi për të shprehur identitetin dhe mbështetjen për ekipin kombëtar.
Tifozëve u bëhet thirrje të përmbahen
Arbitri kryesor ka ndërprerë shkurtazi ndeshjen, ndërsa iu bë thirrje tifozëve – nëpërmjet spikerit të stadiumit – të tregojnë respekt.
Ndeshja u ndërpre në momentin kur një futbollist i Serbisë po tentonte ta bënte goditjen nga këndi.
Ndërkohë nga tifozët ka pasur edhe fyerje në drejtim të presidentit të Federatës së Futbollit të Shqipërisë, Armando Duka.
Fillon ndeshja Shqipëri-Serbi
Ka nisur gjithçka në “Air Albania”. Shqipëria po përballet me Serbinë në ndeshje më të rëndësishme për rrugëtimin e kuqezinjve drejt Botërorit 2026.
Ndeshja pritet me interes të lartë, si për rëndësinë sportive ashtu edhe për emocionet që di të ofrojë një duel i këtij niveli.
