Në ndeshjen e fundit të programit të sotëm të xhiros së 17-të të kampionatit anglez të futbollit, Liverpool dhe Manchester United luajtën baras me rezultat 0:0.
Mysafirët në minutën e katërt të lojës shtesë mbetëm me një lojtar më pak në fushë pasi me karton të kuq u ndëshkua Diogo Dalot.
Liverpool kështu nuk arriti të rikthehet në krye të tabelës së Premier Ligës, tani është i dyti me 38 pikë, po aq sa edhe Aston Villa e treta, dhe Arsenali kryesues ka një pikë më shumë – 39.
Manchester United, për të cilin ky është barazimi i parë në kampionat këtë sezon, tashmë është i shtati me 28 pikë.
