“Liverpooli është favorit”, Pochettino flet para finales së Carabao Cup

Këtë të diele do të zhvillohet finalja e Carabao Cup, ku Chelsea dhe Liverpooli do të luftojnë për këtë trofe.

Chelsea do të synojë triumfin dhe këndelljen nga sezoni dhe kriza aktuale e skuadrës, ndërsa Liverpooli do të kërkojë trofeun e parë të këtij sezoni, sezon ky i cili do të jetë i fundit me trajnerin Jurgen Klopp.

Para finales, trajneri i Chelseat, Mauricio Pochettino e cilëson Liverpoolin favorit për ta fituar trofeun e Carabao Cup.

“Nëse më pyesni mua, favoriti është Liverpooli. Është tejet e qartë. Ata e kanë eksperiencën për të luftuar në këtë lloj të ndeshjeve. Klopp është shumë i mençur për të thënë që është një ndeshje 50-50, por unë mendoj se Liverpooli është favoriti” tha Pochettino.