Lojërat Olimpike Parisi 2024, Spanja stoliset me të artën në futboll

Spanja është kampione e Lojërave Olimpike në futboll pasi në ndeshjen finale ishte më e mirë se Franca duke e mposhtur me rezultat 5:3.

Ndeshja në kohë të rregullt përfundoi me rezultat të barabartë 3:3 dhe të dyja skuadrat shkuan në kohën shtesë.

Francezët erdhën të parët në epërsi përmes golit të Millot në minutën e 11-të. Spanja barazoi shtatë minuta më vonë përmes Lopez. Po i njëjti lojtar solli olimpikët spanjollë në epërsi me golin e dytë në minutën e 25-të.

Baena shtoi epërsinë e Spanjës në minutën e 28-të për 3:1 me të cilin rezultat përfundoi pjesë e parë.

Olimpikët e Francës ngushtuan epërsinë përmes Akliouche në minutën e 79-të, ndërsa deri te barazimi arritën në minutën e tretë të kohës shtesë përmes Mateta nga penalltia.

Në vazhdimet dy herë nga 15 minuta, spanjollët u treguan më të vëmendshëm dhe shënuan dy herë dhe atë përmes Camello në minutat 100 dhe në minutën e parë të kohës shtesë të vazhdimit të dytë.

Për Spanjën kjo është medalja e parë e artë në futbollin e meshkujve qe nga Barcelona 1992.