Kjo deklaratë vjen në kuadër të mbledhjes së NATO-s
Britania e Madhe është gati të dërgojë më shumë ushtarë në Afganistan për të përforcuar misionin e NATO-s, që këshillon dhe përgatit ushtrinë afgane.
“Britania e Madhe është gati të rrisë kontributin e saj në trupa për aktivitete joluftarake, për të treguar mbështetjen e saj të vazhduar për misionin e NATO-s në Afganistan”, raporton AFP, duke iu referuar një zyrtari qeveritar britanik.
Kjo deklaratë vjen në kuadër të mbledhjes së NATO-s në Bruksel, e para në të cilën do të jetë i pranishëm presidenti amerikan, Donald Trump.
