Presidenti i Francës Emmanuel Macron tha të premten se do të ftojë Papa Françeskun në rihapjen e Katedrales Notre Dame në Paris, e cila u shkatërrua nga zjarri në vitin 2019.
I pyetur nëse Papa Françesku do të marrë pjesë në hapjen e planifikuar për 8 dhjetor 2024, Macron tha për France 2: “Shpresoj që po, ne do ta ftojmë patjetër. Por nuk më takon mua të përgjigjem në emër të tij”.
Një vit para rihapjes së planifikuar, Macron vizitoi vendin e ndërtimit të premten, duke thënë se punët po ecin mirë.
Dritaret me njolla janë restauruar nga një kompani gjermane nga Këlni dhe janë rikthyer.
Qe nga fundi i nëntorit, skica e kullës 96 metra të lartë, e cila u shemb nga zjarri më 15 prill 2019, mund të shihet sërish pas skelave. Shembja e saj është një simbol i një zjarri katastrofik.
