Mbahet mbledhja e parë e grupit punues për anëtarësimin e Kosovës në NATO

Ministrja e Punëve të Jashtme, Donika Gërvalla-Schwarz ka njoftuar se sonte ka marrë pjesë në mbledhjen e parë të grupit punues për anëtarësimin e vendit në Aleancën Veri-Atlantike.
Përmes një postimi në Twitter, Gërvalla-Schwarz ka thënë po kërkohet një strategji të re për sigurimin e paqes.
“Sonte, unë kam kryesuar mbledhjen e parë të grupit të punës, të krijuar nga Qeveria e Kosovës për të rritur përpjekjet tona për anëtarësimin në NATO. Pas sulmit të Putin-it, epoka e re në Evropë kërkon një strategji të re për sigurimin e paqes në kontinentin tonë”, ka shkruar Gërvalla në Twitter.

Tonight, I’ve chaired the first meeting of the working group, established by the🇽🇰 government to increase our efforts for @NATO membership.

After Putin’s attack, the new era in #Europe requires a new strategy for securing peace in our continent. pic.twitter.com/SMEVmMUVIp
— Donika Gërvalla-Schwarz (@gervallaschwarz) March 9, 2022

Ndryshe, sot Qeveria e Kosovës ka formuar grupin punues ndërinstitucional për integrimin në Aleancën Veriatlantike-NATO.
Sponsor i kësaj nisme është Ministria e Punëve të Jashtme ndërsa në këtë grup punues përfshihen edhe Ministria e Mbrojtjes, Ministria e Brendshme dhe e Drejtësisë. U fol edhe për mundësitë e anëtarësimit të Kosovës në Këshillin e Evropës./21Media