Mbreti i ka shkruar ish-presidentit amerikan, Joe Biden pasi ai u diagnostikua me një formë agresive të kancerit të prostatës, tha Buckingham Palace.
Charles, i cili po ashtu po trajtohet për kancer, priti Bidenin për çaj dhe biseda në Windsor gjatë korrikut të vitit 2023.
Pos Mbretit, edhe politikanë të tjerë i kanë dërguar mesazhe mbështetjeje Bidenit pas diagnozës së tij me sëmundjen. 82-vjeçari, i cili është personi më i vjetër që ka shërbyer ndonjëherë si president i SHBA-së, u përshkrua si një “luftëtar” me njerëzit që i uronin atij një “shërim të shpejtë dhe të plotë”.
Sot, Bideni reagoi publikisht përmes rrjetit social “X”, ku falënderoi njerëzit për mesazhet e tyre.
