Prokuroria Themelore në Prishtinë ka mbyllur rastin e vdekjes së gjashtë personave të infektuar me COVID-19 në Klinikën Infektive në korrikun e vitit të kaluar.
Për portalin rtv21.tv lajmin e ka konfirmuar zëdhënësja e Prokurorisë Themelore, Laureta Ulaj.
“Sipas raportit të autopsisë, personat kanë qenë të infektuar me COVID-19 dhe kanë pasur vdekje të natyrshme”, ka thënë ajo.
Ritheksojmë se, më 5 korrik 2020 në QKUK kishin ndërruar jetë gjashtë persona si pasojë e infektimit me Covid-19 në periudhë të shkurtër kohore, me ç’rast ishin ngritur dyshimet për natyrën e vdekjes së këtyre pacientëve./21Media
