Mehaj e përsërit kërkesën e tij për pranimin e Kosovës në NATO

Ministri i Mbrojtjes, Armend Mehaj ka përsëritur kërkesën e tij për pranimin e Kosovës në NATO.
Mehaj ka theksuar se është koha që nuk pret, që edhe Spanja, Greqia, Rumania, Sllovakia, si shtete anëtare të NATO-s dhe BE-së si dhe Qipro si anëtare e BE-së, të njohin shtetin e Kosovës.
”Republika e Kosovës në secilin dimension të saj për 14 vjet të pavarësisë ka dëshmuar dhe konfirmon fuqishëm se është shtet evropian i ndërtuar dhe funksional mbi parimet dhe vlerat më të larta euroatlantike. Agresioni i Rusisë mbi Ukrainën, rrahu kambanën për të gjithë, se kjo është koha që të dihet se kush është në anën e duhur e kush në atë të gabuar të historisë”, ka shkruar ministri i Mbrojtjes./21Media