🌍 Bota
Merkel: “Britania do të trajtohet drejt por Brexit do të ketë dhe çmim”
nga E.Bullaku19 maj 2017
Largimi i Britanisë nga BE-ja
Britania do të trajtohet në mënyrë të drejtë nga Bashkimi Evropian pasi të largohet nga blloku, tha kancelarja e Gjermanisë Angela Merkel, por shtoi se megjithatë Brexit do të paguaj çmimin e tij.
Britania njoftoi zyrtarisht synimin e saj për tu larguar nga blloku 28 anëtarësh në muajin mars dhe ka deklaruar po ashtu synimin e saj për të mbajtur marrëdhënie të ngushta me BE-në edhe pas largimit.
Në ditët e fundit, Merkel në mënyrë të përsëritur ka thënë se Britania duhet të përgatitet për një marrëdhënie më të distancuar me BE-në, në momentin që ajo nuk do të jetë më anëtare e unionit./21Media
