Rikthim i pabesueshëm në derbin madhështor
Milani ka arritur që të sigurojë një barazim në sekondën e fundit të derbit ndaj Interit, në një super sfidë të zhvilluar në Giuseppe Meazza e cila përfundoi me rezultat 2-2.
Pavarësisht një orari të pazakontë dhe të papërshtatshëm për shikuesit evropianë, ku kësaj radhe u favorizua tregu aziatik, stadiumi ishte i mbushur me tifozë.
Milani vazhdon të mbetet mbi Interin në tabelë dhe vazhdon t’i mbajë gjasat për Ligën e Evropës, teksa Interi nuk ka më asnjë gjasë. Edhe pse pa fitues, derbi i Milanos dhuroi shumë emocione, ndoshta të shumta ishin edhe për tifozët në Kinën e largët, që në këtë derbi ishin më të shumtë se kurrë më parë./21Media
