Ministria e Shëndetësisë – grave shtatzëna: Vaksinat kundër covid-19 janë të sigurta

Ministria e Shëndetësisë iu ka rekomanduar grave shtatzëna që të vaksinohen kundër Covid-19, duke thënë se këto vaksina janë të sigurta.
“Vaksinat që i përdor Kosova kundër COVID-19 janë të sigurta dhe rekomandohen për gratë para, gjatë dhe pas shtatzënisë për t’i ndihmuar ato dhe foshnjat e tyre që të jenë të shëndetshme. Antitrupat që nënat i zhvillojnë si përgjigje ndaj këtyre vaksinave jo vetëm që i mbrojnë ato, por gjithashtu kalojnë placentën dhe ndihmojnë në mbrojtjen e foshnjave të tyre nga sëmundjet e rënda në fillim të jetës.”, thuhet në njoftim.
Tutje MSH, vlerëson se vaksinimi gjatë shtatzënisë, gjithashtu, ndihmon në mbrojtjen e nënës nga sëmundja e rëndë dhe bartja e asaj sëmundje tek i porsalinduri.
“Nëna të mbrojtura-fëmijë të shëndetshëm!”, përfundon njoftimi./21Media