Kuvendi i Kosovës sot miratoi Strategjinë e Sigurisë së Kosovës për vitet 2022-2027. 60 deputetë votuan pro kësaj strategjie, asnjë kundër dhe një abstenoi.
Në seancën e Kuvendit kjo strategji u kundërshtua nga opozita duke thënë se është “sipërfaqësore” e “jo profesionale”.
Ndërsa, Kryeministri Kurti gjatë prezantimit të Strategjisë së Sigurisë së Kosovës në seancën e Kuvendit të Kosovës tha se synimi strategjik i Kosovës është anëtarësimi në NATO dhe në Bashkimin Evropian si parakushte për sigurinë dhe zhvillimin e qëndrueshëm të Kosovës, por edhe të rajonit tonë./21Media
