Kryetari i Partisë Socialdemokrate, Dardan Molliqaj i ka reaguar kryeministrit të vendit, Albin Kurtit pasi ky i fundit tha se aksioni me miell i PSD-së ndaj ministrit të Financave, Hekuran Murati është bërë me inat.
Molliqaj i ka kërkuar Kurtit t’i plotësojë kërkesat e punëtorëve.
“Nuk e ka hallin te inati i kujtdo. Madje do të dëshironte të ishte veç inati, që sulmi që bëri të ishte më i pranueshëm në opinion. Sikletin e ka që PSD vepron jashtë domenit të tij hegjemonik. Opozitarizmi ynë nuk ndikohet dhe as frikësohet ndaj kërkesës së tij për dëgjueshmëri. Është e njejta arsye pse i ka hypur në qafë sindikalistëve. Aty ku nuk mundet t’i nënshtrojë përpjeket mundohet t’i depolitizojë. Përpjekje e dështuar. Sido që të jetë, z. kryeministër, lëre inatin, plotësoje kërkesën e punëtorëve!”, shkroi Molliqaj./21Media
|m1\-w|m3ga|m5
