Federata e Futbollit të Kosovës e ka shpallur për herë të tretë futbollistin e K.F. Llapit, Muhamet Hysenin “Ylli i Javës”.
“Ky komision vlerësoi që Hyseni e meriton epitetin e më të mirit të javës, duke shënuar dy gola dhe një asist si dhe nxorri penalltinë në një ndeshje të rëndësishme në të cilën Llapi e mposhti kampionin në fuqi, FC Ballkani” ka shkruar FFK në “Facebook”.
Ndërsa Muhamet Hyseni u shpreh i lumtur për vlerësimin.
“Të pranosh çmimin Ylli i Javës për herë të tretë brenda 17 xhirosh është ndjenjë fantastike. Rol të madh që unë po pranoj këtë çmim kanë të gjithë ata që më mbështesin pa rreshtur, duke filluar nga bashkëlojtarët, trajnerët dhe tifozët. Pa mbështetjen e tyre nuk do ta kisha këtë sezon kaq të mirë. Ndeshja e fundit ndaj Ballkanit ishte shumë e vështirë por besoj që me angazhimin e gjithë secilit futbollist arritëm fitore të merituar. Tifozëve tanë ‘Legjendat’ u premtoj ende gola dhe paraqitje sa më të mira, në mënyrë që së bashku t’i arrijmë objektivat e klubit”, tha Muhamet Hyseni për faqen zyrtare të FFK-së./21Media
