Mustafa: Ky muaj për të gjithë besimtarët myslimanë është simbol i sakrificës

Mustafa uron besimtarët myslimanë për muajin e Ramazanit

Kryeministri në largim i Republikës së Kosovës, Isa Mustafa nëpërmjetë një postimi në Facebook, ka uruar besimtarët myslimanë fillimin e muajit të shenjtë të Ramazanit.

“ Dua të ndajë me Ju urimin tonë të përbashkët për të gjithë besimtarët myslimanë në Kosovë, me rastin e fillimit të Muajit të Ramazanit. Ky muaj, për të gjithë besimtarët myslimanë është simbol i sakrificës, i paqes dhe i përkushtimit ndaj Zotit dhe ndaj njëri-tjetrit. Ne u përpoqëm të shmangnim fushatën parazgjedhore gjatë Muajit të Ramazanit. Ju kërkojmë ndjesë që nuk arritëm t’i bindnim edhe oponentët tanë politikë për ta respektuar traditën unike që Muaji i Ramazanit ka kultivuar tek familjet tona dhe në shoqërinë tonë. Ne do të mundohemi maksimalisht që gjatë ditëve në vijim, të përçojmë tek të gjithë mesazhet dhe kuptimin e Muajit të Ramazanit dhe traditës sonë të tolerancës e mirëkuptimit.   Ju uroj një agjërim të lehtë, harmoni dhe begati për të gjitha familjet tona”, ka shkruar Mustafa./21Media