​Napoli barazon në derbin e madh, Amir Rrahmani asiston për gol

Inter dhe Napoli kanë përfunduar pa fitues ballafaqimin kryesor të javës 12 në Serie A duke luajtur me rezultatin 1:1.

Derbi i madh nisi me epërsinë e napolitanëve të cilët shënuan përmes Scott McTominay në minutën e 23-të pas asistimit të Amir Rrahmanit.

Nerozurët barazuan shifrat me golin e turkut Hakan Çalhanoglu në minutën e 43-të pas asistimit të Alessandro Bastoni.

Napoli mban pozitën e liderit në tabelë me 26 pikë, ndërsa Interi renditet i katërti me 25 pikë.