Ndërpritet mësimi në shkollën “Ismail Qemali”, 5 nxënës në mesin e viktimave

Për shkak se në mesin e viktimave në tragjedinë në Bullgari ka nxënës të kësaj shkolle, mësimi në këtë shkollë edhe pse ka filluar, është ndërprerë.
Bëhet fjalë për 5 nxënës të cilët bashkë me prindërit e tyre kanë qenë në ekskursion në Stamboll, transmeton TV21.
Ndërkaq, mëngjesin e sotëm një tragjedi ka kapluar Maqedoninë e Veriut. Një autobus i kompanisë “Besa trans” nga Shkupi, me udhëtarë kryesisht shqiptarë, është rrokullisur dhe ka marrë flakë në Bullgaria, teksa ka qenë duke kthyer në vend turistë që kanë qenë për fundjavë në Stamboll të Turqisë.
Në aksident jetën e kanë humbur 46 persona dhe janë lënduar 7 të tjerë. Në mesin e viktimave janë edhe 12 fëmijë./TV21