Nënë e bijë nga Librazhdi i Shqipërisë, kanë vdekur brenda të njëjtës ditë nga COVID-19.
Ora News raporton se mamaja, S.L., 93-vjeçe, jetonte në të njëjtën shtëpi me të bijën, V. H. 71-vjeçe dhe bashkëshortin e kësaj të fundit.
Para disa ditësh, të bijës iu shfaqen shenjat e para të virusit, e menjëherë i është drejtuar për kurim spitalit “Shefqet Ndroqi” në Tiranë.
Por fatkeqësisht gjendja e saj është përkeqësuar dhe pas tre ditësh në intubim nuk ka mundur të mbijetojë.
Mësohet se fillimisht ka ndërruar jetë nëna, e pas 4 orësh nuk ka mundur të mbijetojë as 71-vjeçarja.
