Reshje të mëdha shiu
Jugu i Francës po vazhdon të përballet me shira dhe përmbytje që janë shkaktuar.
Deri tani dy banorë kanë humbur jetën bashkë me 3 pjesëtarë të forcave të shpëtimit të cilët po patrullonin zonën me helikopter, duke e çuar në 9 bilancin tragjik të dy javëve të fundit.
Një helikopter me tre pjesëtarët e ekuipazhit u rrëzua afër qytetit portual të Marsejës gjatë operacionit të shpëtimit derisa shkaqet e aksidentit po hetohen por paraprakisht mendohet se faktor ka qenë fushëpamja e kufizuar.
Mjeti ajror po fluturonte në rajonin e Varit për t’u ardhur në ndihmë banorëve të rivierës franceze, që po përjetojnë përmbytjet nga shirat e fortë.
Bilanci u rëndua më tej të dielën kur një bari që po kontrollonte kopenë e tij me makinë u mor me vete nga ujërat e rrëmbyer. Trupi i një tjetër personi u gjet rreth 300 metra nga vendi ku ishte parë për herë të fundit.
Në këto dy javë, përmbytjet në rajonin e Varit e kanë çuar në 9 numrin total të viktimave. Kushtet e këqija të motit kanë detyruar mbylljen e disa autostradave, ndërprerjen e energjisë dhe kanë pezulluar një numërsh aktivitetesh kulturore e sportive në të gjithë vendin.
Reshje shiu nga 12 në 15 centimetra parashikohen edhe për pjesën më të madhe të ditës së hënë./21Media
