Polica e Kosovës ka bërë kërkesë për bashkëpunim për të identifikuar disa persona të dyshuar për vjedhje.
Sipas policisë personat në fjalë kanë kryer vjedhje në një market në Prishtinë më 1 prill 2023.
“Njësiti i hetimeve të stacionit policor Qendra në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personave që shihen në fotografi.” thuhet në njoftim.
Policia e Kosovës lut qytetarët që për çdo informatë që mund të çojë në identifikimin e personave apo vendodhjes së tyre, të kontaktojnë policinë në numrin e telefonit 192./ 21Media
