🇽🇰 Kosova
Nesër dalin para gjykatës të dyshuarit për sulmin fizik ndaj Valon Sylës
nga Kaltrina Berila13 prill 2023
Prokuroria Speciale ka kërkuar paraburgim ndaj tre të dyshuarve për sulmin fizik që i është bërë gazetarit Valon Syla. Tre të dyshuarit L.D, K.H dhe O.H., do të dalin nesër para gjykatës në seancën e procedurës paraprake.
Lajmin për portalin rtv21.tv e ka konfirmuar zëdhënësja e Gjykatës Themelore të Prishtinës, Mirlinda Gashi.
Të dyshuarit janë arrestuar mbrëmë dhe ndodhen në ndalim.
Gazetari Valon Syla u sulmua natën e së martës në lagjen Bregu i Diellit./21Media











