Shkak vendosja e konstruksionit metalik në mbikalimin për këmbësor
Ministria e Infrastrukturës dhe Transportit përmes një komunikate për media ka njoftuar se të shtunën, nga ora 9:00 deri 16:00, ndalohet qarkullimi i të gjitha automjeteve në trafikun rrugor në segmentin Konjuh – Babush të autoudhës “Arbën Xhaferi”.
Sipas ministrisë, kjo ndalesë e komunikacionit bëhet për shkak të vendosjes së konstruksionit metalik në mbikalimin për këmbësor, në këtë aks rrugor.
“Gjatë kohës së ndalimit të qarkullimit, të gjitha automjetet do të qarkullojnë përmes rrugës nacionale N2 Prishtinë-Hani i Elezit dhe anasjelltas”, thuhet tutje në njoftim.
MIT kërkon mirëkuptim nga ana e pjesëmarrësve në komunikacion./21Media
