Këto janë ngjarjet e fundit nga lufta Rusi-Ukrainë.
Ministria ruse e mbrojtjes paralajmëroi banorët e Kievit se po përgatitej të godiste objektivat në kryeqytet.
Një tym i madh është ngritur pranë kullës televizive të kryeqytetit, është e paqartë nëse është goditur drejtpërdrejt.
Një kolonë e madhe automjetesh të blinduara po përparon në qytet, por përparimi i saj pengohet nga prishjet, thonë analistët.
Sot një raketë ruse goditi zyrat e qeverisë në qytetin e dytë të Ukrainës, Kharkiv, duke vrarë të paktën 10 persona.
Presidenti ukrainas, Volodymyr Zelinsky tha se nuk kishte objektiva ushtarakë në zonë dhe se Rusia po kryente krime lufte.
Ai iu drejtua Parlamentit Evropian përmes videolidhjes dhe bëri thirrje për anëtarësimin në BE të Ukrainës.
Agjencia e OKB-së për refugjatët thotë se më shumë se 660,000 njerëz janë larguar nga Ukraina deri më tani.
Shefi i NATO-s, Jens Stoltenberg, akuzoi Vladimir Putinin për “prishje të paqes në Evropë”.
Kryeministri i Mbretërisë së Bashkuar Boris Johnson, gjatë një udhëtimi në Poloni, tha se presidenti rus po angazhohej në taktika “barbare dhe pa dallim” që synonin civilët./21Media
