Bashkimi Evropian shpreh ngushëllime pas tragjedisë që mbrëmë ndodhi në spitalin modular në Tetovë.
“BE-ja shpreh ngushllime më të thella deri te familjet dhe miqtë e viktimave në rastin tragjik me zjarrin në spitalin modular në Tetovë, të specializuar për trajtim të pacientëve të sëmurë nga Kovid-19. U dëshirojmë shërim të shpejtë të lënduarve”, thotë në reagimin e dërguar në MIA, zëdhënësja e Komisionit Evropian, Ana Pisonero.
Ngushllime ka shprehur edhe ambasadori i BE-së në vend, David Geer.
“Mendimet tona janë me tetovarët në mëngjes pas ngjarjes tragjike në spitalin modular. Ngushëllime të sinqerta deri te familjet dhe miqtë e viktimave dhe dëshira më të mira për shërim të shpejtë të të lënduarve”, shkruan Geer në Twitter.
Our thoughts are with the people of Tetovo this morning following the tragic fire at the modular hospital. Sincere condolences to the families and friends of those who have lost their lives and best wishes for a speedy recovery for the injured.
— EU Ambassador David Geer (@AmbassadorEU) September 9, 2021
Zjarri, i cili ka shpërthyer në spitalin modular në Tetovë mbrëmë rreth orës 21:00, sipas infromatave zyrtare ka shkaktuar vdekjen e të paktën 14 viktimave.
Shkaqet për zjarrin ende nuk janë të njohura./21Media
