Një e treta e Ligue 1 rrezikon falimentimin, në telashe edhe klubi i Ligës së Kampionëve
Sezoni i ri i Ligue 1 së Francës në futboll fillon më 16 gusht, por ende nuk dihet se kush do të transmetojë ndeshjet e nivelit elitar të vendit.
Kreu i organit drejtues të ligës LFP, Vincent Labrune kërkoi më shumë se një miliard euro në sezon për të drejtat e transmetimit.
Në fund të vitit të kaluar, britanikja The Athletic shkroi se askush nuk kishte dërguar oferta për periudhën pesëvjeçare midis 2025 dhe 2029. Kompanitë e prodhimit DAZN dhe beIN Sports u përmendën si kandidatë potencialë, por marrëveshjet nuk u realizuan me asnjë mediat.
Sipas mediave franceze, LFP është duke hetuar mundësinë e krijimit të një kanali të ri që do të transmetonte Ligue 1, por të ardhurat nga të drejtat do të përgjysmoheshin.
Ligue 1 u godit nga largimi i shumë yjeve, si Neymar, Leo Messi, Kylian Mbappe, kështu që liga tani është më pak tërheqëse.
