Therje me thikë
Gjykata Themelore në Pejë ka aprovuar kërkesën e Prokurorisë Themelore në Pejë për caktimin e masës së prej një muaji paraburgim ndaj të pandehurit F.Q. për shkak se më datën 9 shkurt 2019, rreth orës 22:00, përballë lokalit “Fox Bar” në Pejë, ka tentuar ta privojë nga jeta një person.
Incidenti ka ndodhur kur i pandehuri rreth një mos marrëveshjeje të mëhershme, në bisedë e sipër ka nxjerrë nga xhepi thikën dhe ka goditur të dëmtuarin në faqen e majtë, duke i shkaktuar lëndime trupore.
Pala ka të drejtë ankese në Gjykatën e Apelit.
