Një person rrah një tjetër me grushte në Ranilluk, e bën për spital

Një person ka raportuar se pas një mosmarrëveshje verbale ishte sulmuar fizikisht me grushte nga një tjetër (serb).

Referuar raportit 24 orësh të policisë bëhet e ditur se rasti ka ndodhur të dielën rreth orës 00:40, në Ranilluk.

Tutje në raport thuhet se si pasojë e sulmit viktima ka pësuar lëndime trupore dhe ka pranuar tretman mjekësor.

“Viktima mashkull kosovar ka raportuar se pas një mosmarrëveshje verbale ishte sulmuar fizikisht me grushte nga i dyshuari mashkull shtetas i Serbisë. Si pasojë e sulmit viktima ka pësuar lëndime trupore dhe ka pranuar tretman mjekësor”, thuhet në raport.

Ndërkaq, lidhur me rastin është njoftuar prokurori, ndërsa i dyshuari gjendet në arrati.