Omicron mund të bëhet variant dominues në Britani të Madhe brenda vetëm disa javësh, sipas ekspertit të sëmundjeve infektive, Paul Hunter.
Hunter tha se lloji i ri së shpejti mund të kapërcejë Delta, duke iu referuar rritjes së shpejtë të rasteve në Afrikën e Jugut.
“Unë mendoj se shenjat e hershme janë se ndoshta do të përhapet mjaft shpejt dhe ndoshta do të fillojë t’ia kalojë Delta-s dhe do të bëhet varianti dominues ndoshta brenda javëve të ardhshme ose të paktën një muaji”, tha Hunter.
Deri më sot, zyrtarisht janë konfirmuar 246 raste me Omicron.
Anglia dhe shtet përreth i kanë shtrënguar sërish masat, duke i obliguar personat që futen në Britani të kenë edhe testin negativ, derisa më parë ishte vaksina si provë e vetme./21Media
