Origi-Milan, mësohet se kur do të bëhet zyrtare transferimi i yllit belg

Pas largimit si lojtar i lirë nga Liverpool-i, Divock Origi thuhet se ka zgjedhur Milan-in si destinacionin e tij të radhës.
Tani, siç raportohet nga gazetari i njohur, Fabrizio Romano, Origi do të zyrtarizohet si transferimi më i ri i Milan-it gjatë javës së ardhshme.
Marrëveshja mes dy palëve është arritur në muajin maj, ku tani është vetëm çështje kohe që ta shohim Origi-n në fanellën e kampionit italian.
Në anën tjetër, skuadra spanjolle, Villarreal, kishte pyetur rreth mundësisë për të arritur marrëveshje me Origi-n, por ky i fundit dëshironte vetëm kalimin te Milan-i.