Trajneri i Napolit Luciano Spalletti ka marr një lajm jashtëzakonisht të mirë vetëm një ditë pasi pësoi disfatë nga Milani në Ligën e Kampionëve.
Në stërvitjet e skuadrës së tij është rikthyer sulmuesi kryesor i skuadrës, Victor Osimhen.
Përmes një komunikatë për media, Napoli ka konfirmuar se lojtari i është bashkuar grupit në stërvitje të pjesshme.
“Ekipi sot është stërvitur sipas programit, i ndarë në dy grupe, në fushë dhe në palestër. Gaetano nuk u stërvit për shkak të gripit. Osimhen bëri një pjesë të punës në grup dhe një pjesë individualisht në fushë.”
Osimhen mungoi në ndeshjen e parë të çerekfinales së Ligës së Kampionëve ndaj Milanit, ndërsa pritet të jetë i gatshëm për sfidën kthyese që zhvillohet javën e ardhshme.
