Osmani: Drejtësia për viktimat e luftës, borxhi më i madh që Kosova ka si shtet dhe shoqëri

Presidentja e Kosovës, Vjosa Osmani thotë se drejtësia për fëmijët, gratë dhe të gjitha viktimat e luftës është borxhi më i madh që ka Kosova si shtet dhe si shoqëri.

Osmani u takua me drejtorin e Institutit për Krime të Kryera Gjatë Luftës në Kosovë, Atdhe Hetemi teksa tha se ky institucion mban gjallë kujtesën e krimeve të kryera nga Serbia ndaj popullit të Kosovës.

“Instituti nuk është vetëm arkiv – është ndërgjegjja e kombit tonë, dëshmia e sakrificës mbi të cilën u ngrit liria jonë. Prandaj, e vërteta e dokumentuar do të dëgjohet dhe do të jetojë”, ka shkruar Osmani në Facebook.