Osmani e dekoron Hovenierin me Urdhrin “Dr. Ibrahim Rugova”
Presidentja Vjosa Osmani e ka dekoruar ambasadorin e ShBA-së në Kosovë, Jeffrey Hovenier, me urdhrin “Dr. Ibrahim Rugova”.
Ambasadori i Francës, Olivier Guerot, është nga të parët që e uroi homologun e tij amerikan për këtë urdhër.
“Sonte një natë e shkëlqyeshme me shokun dhe kolegun tim, ambasadorin Jeffrey Hovenier, i cili u dekorua nga presidentja Vjosa Osmani me urdhrin ‘Dr. Ibrahim Rugova’”.
“Një çmim merituar nga një ambasador i mirë, e kisha nderin të punoja me të dhe të ndihmoja Kosovën në rrugën euro-atlantike”, ka thënë Guerot.
Sipas Presidencës së Kosovës, urdhri për paqe, demokraci dhe humanizëm “Dr. Ibrahim Rugova”, u jepet personave vepra jetësore e të cilëve cilësohet si kontribut i veçantë për ndërtimin e paqes, zhvillimin e demokracisë dhe kultivimin e humanizmit.
Tonight my excellent friend and colleague 🇺🇸 @USAmbKosovo Jeff Hovenier was awarded the order “Dr Ibrahim Rugova” by President @VjosaOsmaniPRKS. A well deserved award for a great Ambassador I had the pleasure to work with, helping 🇽🇰 on its euro-atlantic path 🇨🇵🇽🇰🇺🇸 pic.twitter.com/oKbGtyO6Ys
— Ambassadeur Olivier Guerot (@Olivier_Guerot) December 10, 2024
