Presidentja e Kosovës, Vjosa Osmani ka uruar Kosovën në shënimin e 16-vjetorit të Pavarësisë.
“Të duam Kosovë Të lirë, të pavarur, sovrane e me aleatë. Urime ditëlindjen e 16të”, ka shkruar ajo në llogarinë e saj “Facebook”.
Shpallja e Pavarësisë së Kosovës është bërë më 17 shkurt të vitit 2008 në ora 15:39 në Kuvendin e Republikës së Kosovës në Prishtinë. Në një mbledhje të jashtëzakonshme ku merrnin pjesë 109 nga gjithsej 120 deputetë, Kuvendi i Kosovës njëzëri shpalli Kosovën shtet të pavarur, sovran dhe demokratik./21Media
