E para e shtetit tonë ka vazhduar takimet me homologët e saj në kuadër të samitit të Komunitetit Politik Evropian në Tiranë.
Vjosa Osmani në platformën X ka raportuar mbi takimet e sotme me presidentin francez dhe atë turk.
“Një mundësi e vlefshme për të diskutuar me presidentin Emmanuel Macron në Tiranë për partneritetin Kosovë-Francë dhe vizionin tonë të përbashkët për të ardhmen euroatlantike të Kosovës,”.
“Gjithmonë kam kënaqësi të takohem me presidentin Recep Tayyip Erdogan, mik i patundur i Kosovës. E falënderova për mbështetjen e palëkundur për popullin tonë dhe për avokimin e vazhdueshëm, si dhe punën krah për krah me ne për të forcuar pozitën ndërkombëtare të Kosovës.”
Samiti i gjashtë i Komunitetit Politik Evropian është mbajtur për herë të parë në Tiranë, me pjesëmarrjen e dyzet e shtatë liderëve.
