Organizata e Veteranëve të Luftës, Shoqata e Invalidëve dhe Shoqata e Familjeve të Dëshmorëve të UÇK-së kanë reaguar ashpër praninë në vend të ndihmësdrejtor i Zyrës për Kosovë në qeverinë serbe, Igor Popoviq.
I njëjti është ndaluar sonte nga Policia e Kosovës në Bërnjak dhe po dërgohet në stacion për procedura të mëtejshme.
OVL UÇK, SHIL dhe SHFD thonë se Popoviq është i njohur për gjuhë fyese dhe urrejtje ndaj UÇK-së dhe luftës sonë çlirimtare.
Tutje në reagim thuhet se kategoritë e dala nga lufta, nuk do të heshtin ndaj fyerjeve që synojnë të fyejnë sakrificën për liri dhe gjakun e dëshmorëve dhe martirëve.
“Ky është mentaliteti i vartësve të Millosheviqit, që sot përfaqësohet nga presidenti i Serbisë, Aleksandër Vuçiq, ish-ministër i atij regjimi gjenocidal. Çdo tentativë për të provokuar, për të njollosur UÇK-në dhe për të përdorur territorin e Kosovës për propagandë antikombëtare është e papranueshme dhe duhet ndalur me vendosmëri”, thuhet në reagim.
