I ftuar në emisionin “Argument Plus” ishte ministri i shëndetësisë, Uran Ismaili
Duke biseduar për pagat e mjekëve, dhe si pagat e vogla kanë pasur mundësi të ndikojnë tek korrupsioni, ministri Ismaili deklaroi se pagat e vogla kanë ndikuar në hapjen e shumë ordinancave private.
Sipas tij korrupsioni ka lindur nga njerëzit e caktuar që kanë tentuar ta shfrytëzojnë spitalin për interesat e tyre, shkruan rtv21.tv.
Sipas Ismailit mjekësia është një biznes gjithkund në botë, mirëpo biznes legjitim, e jo të bëhet kushtëzim i shërbimit me para e vizita në ordinanca private.
Ministri deklaron se korrupsioni nuk ka të bëjë me pagë, pasi nëse dikush nuk është i kënaqur me pagën mund ta lëshojë punën./21Media
