Janë paralajmëruar masa të tjera anti-COVID. Ministria e Shëndetësisë ka njoftuar sot se Ministri i Shëndetësisë së Kosovës, Arben Vitia ka ftuar në takim krerët e institucioneve shëndetësore të vendit dhe hisedarët në zbatimin e masave kundër COVID-19.
Njoftimi nuk ka specifikuar se në çfarë ore kur do të mbahet takim.
Sipas një komuniakte për media, MSh ka njoftuar se në këtë takim do të diskutohet për situatën epidemiologjike në vend dhe ndërmarrjen e masave të tjera anti COVID-19.
Qeveria e Kosovës javën e kaluar vendosi për masa të reja anti-COVID. Masat e reja kryesisht lidhen me kushtëzimin që qytetarët të mund të hyjnë në kafe apo klube të natës. Masat e reja vlejnë nga 20 gushti deri më 10 shtator./21Media
