Pas marrëveshjes për targa, Ursula von der Leyen: Dialogu tash duhet të vazhdojë
Presidentja e Komisionit Evropian, Ursula von der Leyen, e ka vlerësuar si lajm të mirë arritjen e marrëveshjes së arritur për targat mes Kosovës dhe Serbisë
Von der Leyen ka thënë se tash është koha të vazhdohet dialogu.
I warmly welcome the deal found today in Brussels between Serbia and Kosovo.
This is a very positive development following my meetings with President @avucic and Prime Minister @albinkurti
It’s good for the whole region.
The dialogue now needs to continue. https://t.co/sxBQNdhHMv
— Ursula von der Leyen (@vonderleyen) September 30, 2021
Në Bruksel sot është arritur një marrëveshje mes Kosovës dhe Serbisë për targa pas dy ditësh negociata. Në marrëveshjen e arritur është vendosur që më 2 tetor njësia Speciale e vendosur në Jarinjë e Bërnjak të largohet njëkohësisht me bllokadat në rrugë.
KFOR-i do të vendoset në Jarinjë e Bërnjak para se të nisë largimi i sinkronizuar dhe do të qëndrojë për dy javë për të mbajtur ambient të sigurt dhe lëvizje të lirë.
Në pikën 2 të marrëveshjes, nga 4 tetori, ora 8:00, hyn në fuqi regjimi i letrave ngjitëse me të cilat do të mbulohen elementet shtetërore në targat e veturave të Kosovës dhe Serbisë./21Media
