PDK fajëson Konjufcën për (mos)njohjen e Kosovës nga Xhamajka
Sipas PDK-së nuk ka rëndësi kush e ka plasuar i pari lajmin
Zëdhënësi i Partisë Demokratike të Kosovës, Avni Bytyçi ka folur për (mos)njohjen nga shteti i Xhamajkës duke thënë se e gjithë përgjegjësia i takon ministrit të Punëve të Jashtme, Glauk Konjufca.
Sipas tij, nuk ka rëndësi kush e ka plasuar i pari lajmin.
“Konjufca duhet të kuptojë detyrat që ka, Konjuça e ka bërë publike, le të mbajë përgjegjësitë”, tha ai.
Ndërsa, për sulmin e djeshëm me vezë ndaj zëvendëskryeministrit, Avdullah Hotit, Bytyçi tha se PDK nuk përkrahë këto veprime.
“Ne nuk i përkrahim këto veprime. PDK ka qenë vetë viktimë të formave tjera të dhunës. Ku zyrtarët tanë jo vetëm qe janë sulmuar me vezë, por edhe u janë djegur veturat familjarëve. Kurti legjitimoi një veprim të tillë, dhe erdhi në pushtet me ato veprime”, tha ai.
