“Për të garantuar sigurinë e përgjithshme”, ushtarët letonezë patrullojnë në veri

Ushtarët letonezë në Komandën Rajonale në Lindje të misionit KFOR të udhëhequr nga NATO, kanë kryer patrullime rutinë në veri të Kosovës për të garantuar lirinë e lëvizjes dhe sigurinë e përgjithshme.

Nëpërmjet një postimi në Facebook, bëhet e ditur se këto përpjekje janë pjesë e misionit të përditshëm të KFOR-it për të garantuar një mjedis të sigurt për të gjitha komunitetet që jetojnë në Kosovë.

“KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme. KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX) në rolet e tyre përkatëse si reagues të sigurisë”, thuhet në postim.