Ka përfunduar ndeshja e vetme e ditës së sotme në Superligën e Kosovës, ku Ballkani ka regjistruar fitoren e katërt me radhë.
Pas plot 90’ minutave lojë të zhvilluara në stadiumin “Liman Gegaj”, Ballkani e ka mposhtur 2:0 si mysafirë Malishevën.
Golat për kampionin e Kosovës i shënuan Nazmi Gripshi (minuta e 30’) dhe Albin Berisha (minuta e 45’).
Me pikët e reja, Ballkani ngjitet në kuotën e 35 pikëve në vendin e parë, 10 pikë më shumë se Drita që zë vendin e dytë.
Në anën tjetër, Malisheva renditet në vendin e katërt në tabelë me 20 pikë.
Rezultati final i ndeshjes, 2:0.
