Ka përfunduar pjesa e parë në ndeshjen tejet interesante mes Ballkanit dhe Astanas, e vlefshme për xhiron e tretë të fazës së grupeve të Ligës së Konferencës.
Pas 45′ minutave lojë në stadiumin “Fadil Vokrri”, Astana po avancon si mysafire e Ballkanit me rezultat 2:1.
Fillimisht, rezultatin i pari e zhbllokoi Dusan Jovancic, i cili në minutën e 8′ kaloi Astanan në epërsi. Por, kundërpërgjigja e kampionit të Kosovës ishte e shpejtë, pasi në minutën e 9′ barazoi rezultatin në 1:1 përmes Edvin Kuc.
Ndërkaq, Astana e rigjeti sërish epërsinë, ku Islambek Kuat shënoi në minutën e 24′ për 2:1.
