“Po pritoj me fol për autostradë”, PSD kritika ndaj ministrit Aliu

Partia Socialdemokrate (PSD), ka zhvilluar sot një aksion ku ka vendosur mbishkrimin “po pritoj me fol për autostradë” duke iu refuar ministrit të Infrastrukturës, Liburn Aliu.

Kryetari i PSD-së, Dardan Molliqaj në një postim në Facebook ka shkruar se një rajon i tërë ka mbetur peng i përtesës së Liburn Aliut.

“Thanë që autostrada është thuajse e përfunduar e pastaj që premtimi ishte i gabuar se kryeministri u vu në lajthitje. Sot e asaj dite, plot një mandat dhe autostrada është e papërfunduar, e Anamorava, nëse jo e izoluar, rrezikon jetën në rrugën e vjetër për Prishtinë e pa urë në Badovc”, ka shkruar Molliqaj.

Molliqaj ka shtuar se të vetmit që u vunë në lajthitje janë qytetarët e Gjilanit, Kamenicës dhe Vitisë.