Seriali i njohur në internet i Netflix “Squid Game” është gati të nisë sezonin e tij të dytë këtë të enjte, më 26 dhjetor.
Sezoni i ri është publikuar me shtatë episode, ku paraqet se si loja bëhet më intensive, suspensive dhe vdekjeprurëse.
Netflix, platforma e transmetimit të serialit, postoi një klip të shkurtër me atë që episodet e reja ofrojnë, duke i ftuar të gjithë të shikojnë sezonin 2.
“Lërini lojërat të fillojnë. #SquidGame2 nisi,” shkruhet krahas klipit.
Çfarë ndodh në sezonin e ri?
Squid Game do të vendoset tre vjet pas ngjarjeve të sezonit të parë. Lojtari 456 është ende i vendosur të zbulojë ata që janë përgjegjës për lojën vdekjeprurëse dhe t’i japë fund konkurrencës së tyre brutale.
Seriali risjell Lee Jung-jae, Lee Byung-hun, Ëi Ha-jun dhe Gong Yoo të cilët do të ripërsërisin rolet e tyre nga Sezoni 1.
Përveç kësaj, janë shtuar anëtarë të rinj të kastit, duke përfshirë Yim Si-ëan, Kang Ha-neul, Park Gyu-young, Lee Jin-uk, Park Sung-hoon, Yang Dong-geun, Kang Ae-sim, Lee David, Choi Seung. -hyun, Roh Jae-ëon, Jo Yu-ri dhe Ëon Ji-an.
Sezoni 2 duket se do të fokusohet më shumë në udhëtimin e Gi-hun, protagonistit të sezonit 1. Pasi doli si fitues në sezonin e parë, Gi-hun përballet me trauma dhe faj të pamasë, duke e penguar atë të shijojë paratë e tij të çmimit.
Seriali korean pushtoi botën dhe u bë një sensacion global kur u shfaq premierë në 2021. Teksa të gjithë ishin të karantinuar, ky serial duket se u shfaq në kohën e duhur, duke kthyer ‘sytë e botës’ drejt kinematografisë koreano-jugore. /21Media
