(Lajm i përditësuar)
Misioni i OSBE-së në Kosovë e ka cilësuar si femicid vrasjen ne 21 vjeçares nga bashkëshortin në Ferizaj.
Përmes një reagimi në platfromën X , OSBE ka përgëzuar Policinë e Kosovës për arrestimin e të dyshuarit.
“ Të tmerruar dhe të pikëlluar nga vrasja e një gruaje 21-vjeçare dhe plagosja e një djali 15-vjeçar sot në Ferizaj/Uroševac. Ne e përgëzojmë @Kosovo_Police për arrestimin e menjëhershëm të një të dyshuari për atë që duket të jetë një femicide”, thuhet në reagimin e OSBE-së.
Në fund ky mision tha se do ta luftojnë dhunën me bazë gjinore dhe dhunën në familje
Policia jep detaje rreth vrasjes në Ferizaj, viktima ishte e moshës 21 vjeçare
Policia e Kosovës ka dhënë detaje rreth vrasjes në Ferizaj. Sipas policisë, rasti ka ndodhur sot rreth orës 14: 40, derisa bëhet e ditur se viktima është e moshës 21 vjeçare , kurse i plagsuri i moshës 15 vjeçar.
“Me datën 12.04.2024 në ora 14:40 policia rajonale e Ferizajt ka pranuar një informatë se në Qendrën për Punë Sociale në Ferizaj ka të shtëna me armë zjarri. Patrullat e policisë menjëherë kanë dalë në vendin e ngjarjes të cilët kanë mësuar se një person brenda Qendrës për Punë Sociale në katin I-rë ka shtënë me armë zjarri në drejtim të dy personave dhe për pasoj një person E.C (F/K) e moshës 21 vjeçare ka ndërruar jetë në vendin e ngjarjes, vdekja e së cilës është konfirmuar nga mjekët kujdestar në vendin e ngjarjes, ndërsa plagë trupore ka pësuar personi D.C ( M/K) i moshës 15 vjeçar, i cili për ndihmë mjekësore është dërguar në Qendrën Emergjente në Ferizaj dhe është jashtë rrezikut për jetën, kurse i dyshuari është larguar në drejtim të panjohur. “, thuhet në njoftim.
Sipas policisë arrestimi i të dyshuarit është bërë pas më shumë se 30 minutave.
“Ekipe të policisë, policët e rendit, hetuesit e stacionit, hetuesit rajonal të mbështetura edhe nga Njësia e Reagimit të Shpejtë (NJRSH) kanë identifikuar të dyshuarin V.A ( M/K) i moshës 36 vjeçar dhe menjëherë kanë rrethuar zonën përreth dhe pas një pune intensive në terren , në orën 15:15 kanë arritur që të arrestojnë të dyshuarin e kësaj ngjarje dhe e kanë shoqëruar në Sektorin Rajonal të Hetimeve në Ferizaj, për procedura tjera hetimore.”, thuhet në komunikatën epolicisë.
“Hetuesit dhe krim teknikët rajonal janë në vendin e ngjarjes, të cilët janë duke e ekzaminuar vendin e ngjarjes, ndërsa për të gjitha veprimet policore është njoftuar prokurori i shtetit, i cili ka dalë në vendin e ngjarjes.”, përfundon njoftimi.
Drejtoresha e Qendrës për Punë Sociale tregon si ndodhi vrasja e gruas nga bashkëshorti i saj në Ferizaj
Lidhur me vrasjen e gruas në Ferizaj, Drejtoresha për Punë Sociale atje , Adelina Rexhepi – Braha sqaroi se gjithçka ndodhi pasi bashkëshorti e kishte kthyer djalin e tyre në Qendrën për Punë Sociale, ku ishte e strehuar tashmë viktima. “Bashkëshorti e ka vra bashkëshorten e tij. Kontaktin e kanë pas me marrëveshje, nëna e ka fëmijën edhe e ka pru fëmijën në ora 13:00 në qendër që me realize kontaktin me babën e tij. Djalin e ka marrë babai e ka dërgu në familje të vet, në shtëpi dhe pastaj e ka rikthyer në qendër”, tha ajo për “Betimi për Drejtësi”.
Sipas saj, vrasja ndodhi pasi disa mosmarrëveshjeve ndërmjet bashkëshortëve.
“Ka bisedu me menaxherën e rastit të tyre, i ka tregu që është duke pas probleme me ish – bashkëshorten, po i kthehet ajo prap, e diskutime të qiftit që ndodhin zakonisht. Edhe ka shku prap në shtëpi sepse në ora 15:00 ka pas me rikthy djalin në Qendër për Punë Sociale që me e mbajtë nëna, me marrë ajo. Kur ka dalë ai poshtë, e ka taku ish-bashkëshorten e tij, realisht partneren, sepse nuk kanë kurorë dhe të dy bashkë, janë ardhë në Qendrën për Punë Sociale dhe aty kanë fillu me bërtitë, me e fy bashkëshortja, bashkëshortin dhe ai e ka nxjerrë alltinë dhe e ka gjujtë. I plagosuri është vëllai i gruas”, ka thënë Rexhepi-Braha. Ajo tha se vrasja ka ndodhur para objektit të kësaj qendre.
I dyshuari për vrasjen e gruas në Ferizaj ndalohet për 48 orë
Prokuroria Themelore në Ferizaj, njofton se i dyshuari për vrasjen në Ferizaj me vendim të Prokurorit të Shtetit, është ndaluar në kohëzgjatje prej 48-orësh për shkak të dyshimit të veprës penale “Vrasja” sipas Kodit Penal të Republikës së Kosovës.
“Hetuesit Rajonal të Policisë së Kosovës në Ferizaj në koordinim me Prokurorin e Shtetit kanë dalë në vendin e ngjarjes si dhe nga ekipi mjekësor është konstatuar vdekja e viktimës. Brenda afatit ligjor, ndaj të njëjtit, Prokuroria Themelore në Ferizaj, do të parashtroj kërkesë për caktimin e masës së paraburgimit për veprën penale të lartëcekur.”, thuhet në njoftim.
Dyshohet se i plagosuri është vëllai i viktimës.
Prokuroria në Ferizaj del me detaje të reja, viktima ishte 21 vjeçare
Prokuroria Themelore në Ferizaj ka dhënë detaje rreth vrasjes së një gruaje në Ferizaj, ku mbeti edhe i plagosur një i mitur 15 vjeç.
“Me datën 12.04.2024 në ora 14:40 policia rajonale e Ferizajt ka pranuar një informatë se në Qendrën për Punë Sociale në Ferizaj ka të shtëna me armë zjarri. Patrullat e policisë menjëherë kanë dalë në vendin e ngjarjes të cilët kanë mësuar se një person brenda Qendrës për Punë Sociale në katin I-rë ka shtënë me armë zjarri në drejtim të dy personave dhe për pasoj një person E.C (F/K) e moshës 21 vjeçare ka ndërruar jetë në vendin e ngjarjes, vdekja e së cilës është konfirmuar nga mjekët kujdestar në vendin e ngjarjes, ndërsa plagë trupore ka pësuar personi D.C ( M/K) i moshës 15 vjeçar, i cili për ndihmë mjekësore është dërguar në Qendrën Emergjente në Ferizaj dhe është jashtë rrezikut për jetën, kurse i dyshuari është larguar në drejtim të panjohur.”, thuhet në njoftim.
Bëhet e ditur se i dyshuari është arrestuar.
“Ekipe të policisë, policët e rendit, hetuesit e stacionit, hetuesit rajonal të mbështetura edhe nga Njësia e Reagimit të Shpejtë (NJRSH) kanë identifikuar të dyshuarin V.A ( M/K) i moshës 36 vjeçar dhe menjëherë kanë rrethuar zonën përreth dhe pas një pune intensive në terren , në orën 15:15 kanë arritur që të arrestojnë të dyshuarin e kësaj ngjarje dhe e kanë shoqëruar në Sektorin Rajonal të Hetimeve në Ferizaj, për procedura tjera hetimore.”, thuhet në njoftim.
“Hetuesit dhe krim teknikët rajonal janë në vendin e ngjarjes, të cilët janë duke e ekzaminuar vendin e ngjarjes, ndërsa për të gjitha veprimet policore është njoftuar prokurori i shtetit, i cili ka dalë në vendin e ngjarjes.”, përfundon njoftimi.
Vrasja në Ferizaj, i dyshuar ish – burri i të ndjerës
Dyshohet se vrasja e gruas në Qendrën për Punë Sociale në Ferizaj, është kryer nga ish bashkëshorti i saj.
Kjo është konfirmuar nga kryeprokurori, Shukri Jashari
Për momentin nuk kemi informacione, mirëpo dyshojmë që motivi është te një mosmarrëveshje mes ish-bashkëshortëve. Ata janë takuar afër Qendrës për Punë Sociale dhe aty ka ndodhur rasti. Personi është arrestuar.”, ka thënë ai.
Vritet një grua në Qendrën për Punë Sociale në Ferizaj, një burrë i plagosur
Një grua është vrarë në Qendrën për Punë Sociale në Ferizaj, ndërsa është plagosur edhe një burrë.
Lajmin për portalin rtv21.tv e konfirmoi zëdhënësi i Policisë për rajonin e Ferizajt, Kanun Veseli.
“Me datën 12.04.2024 në ora 14:40 kemi pranuar një informatë se në Qendrën për Punë Sociale në Ferizaj ka të shtëna me armë zjarri. Për pasojë nga të shtënat e armës së zjarrit një person e gjinisë femrore ka ndërruar jetë në vendin e ngjarjes, kjo është konfirmuar nga mjekët kujdestarë, ndërsa êshtë plagosur një person mashkull , i cili është dërguar nē Qendren Emergjente në Ferizaj”, tha Veseli.
I dyshuari pasi ka shtënë me armë zjarri është larguar në drejtim të panjohur. Por, ekipe të policisë menjëherë kanë rrethuar zonën dhe në ora 15:15 kanë arritur që të arrestojnë të dyshuarin e kësaj ngjarje.
Ekipe të hetuesve dhe krimteknikët janë në vendin e ngjarjes të cilët janë duke e ekzaminuar vendin e ngjarjes, ndërsa për të gjitha verpimet policore është njoftuar prokurori i shtetit./21Media
