Polonia thotë se ka rrëzuar dronë rusë që shkelën hapësirën e saj ajrore
Ushtria polake tha të mërkurën në mëngjes se kishte rrëzuar dronë që shkelën hapësirën e saj ajrore ndërsa Rusia nisi sulme ajrore ndaj Ukrainës.
Kryeministri Donald Tusk shkroi në X se kishte marrë një raport nga Komanda Operacionale e Ushtrisë në lidhje me “mbylljen e dronëve që hynë në hapësirën tonë ajrore dhe mund të përbënin një kërcënim”, raporton AP.
Otrzymałem meldunek od Dowódcy Operacyjnego Rodzajów Sił Zbrojnych o zestrzeleniu dronów, które wtargnęły w naszą przestrzeń powietrzną i mogły stanowić zagrożenie. Operacja trwa.
— Donald Tusk (@donaldtusk) September 10, 2025
Ai tha se e informoi Sekretarin e Përgjithshëm të NATO-s për veprimet e ndërmarra nga pala polake.
Forcat e armatosura të Polonisë ishin në gjendje gatishmërie të lartë gjatë natës së martë dhe herët të mërkurën për shkak të asaj që ata e përshkruan si “sulme të mëtejshme masive ajrore kundër objektivave të vendosura në Ukrainë”.
Ministri i Mbrojtjes Władysław Kosiniak-Kamysz shkroi në X se “më shumë se dhjetë objekte” kaluan në hapësirën ajrore polake dhe ato që përbënin rrezik për sigurinë e Polonisë u neutralizuan.
Aeroporti Chopin i Varshavës pezulloi fluturimet për disa orë, duke përmendur mbylljen e hapësirës ajrore për shkak të operacioneve ushtarake.
